Монгол Улсын Засгийн газрын 2014 оны “Зарим аймгийн дулаан хангамжийг сайжруулах төслийг эрчимжүүлэх тухай” 29 дүгээр тогтоолоор 10 аймагт дулааны станц барихаар төлөвлөсний нэг нь Говьсүмбэр аймаг юм.

Дулааны станц барих ажлын Техник эдийн засгийн үндэслэл боловсруулах судалгааны ажлыг гүйцэтгэхээр Эрчим хүчний яам,  Солонгос улсын KDHEC компаний төлөлөгчид, "Грийн Энержи Интернэйшнл" ХХК, Улаанбаатар Дулаан Сүлжээ ТӨХК-ний төлөөллүүд манай аймагт ирж, шинээр барих станцын байршил, зуухны газруудтай танилцсан бөгөөд орон нутгийн зүгээс шаардлагатай мэдээллээр ханган ажиллаж байна.