Эрүүл мэндийн яамнаас COVID-19 халдварын цаг үеийн нөхцөл байдлын тухай ээлжит мэдээллийг /2020.03.18/ хийлээ.

ЭМЯ-ны Эмнэлгийн тусламжийн газрын дарга Я.Буянжаргал:

-Тусгаарлан ажиглах байранд өнөөдрийн байдлаар 1337 иргэн хяналтад байна. Өнөөдөр Истанбул-Улаанбаатар чиглэлийн тусгай үүргийн онгоцоор 250 зорчигч ирэх урьдчилсан мэдээлэл байна. Эдгээр иргэнийг хүлээн авах эмнэлэг, зочид буудал, амралтын газруудыг бэлтгэсэн. 

Эрүүл мэндийн яам өнөөдөр 15.00 цагт БНХАУ-ын эмч, эрдэмтэдтэй холбогдож цахим хурал хийх юм байна.Энэ хурлаар тус улсын зүгээс Ухань хотод ямар эм тариаг түлхүү хэрэглэж байгаа талаар ярилцаж туршлага судлана гэв.