Үндэсний мэдээллийн Ekhoron21.mn  сайтаас зохион байгуулсан цахим санал асуулгаар Дундговь аймгийн Хөхөгчин хонин жилийн “Оны 9 алдартан” тодорч гал бичин жилийн хаврын тэргүүн сарын шинийн наймны билэгт сайн өдрийн морин цагт аймгийн “Ёслол хүндэтгэлийн өргөө”-д болсон  сар шинийн золголтын үеэр “БАТЛАМЖ”-аа гардлаа.   ОХУ-ын Буриадын театрын гоцлол дуучин Ө.Цэрэнчунт тоглолтын хөтөлбөр нь цаг хугацааны хувьд давхацсан тул ирж амжаагүйгээс  оны алдартны “Батламж”-ийг ээжид нь гардуулсан юм.   Эдгээр алдартнуудад  аймгийн ИТХ-ын дарга С.Буджав, Засаг дарга С.Од-Эрдэнэ, Засаг даргын орлогч Н.Мэндсайхан, “Дундговийн амьдрал” сонины эрхлэгч С.Пүрэвсүрэн нар “Батламж”-ийг гардуулж баяр хүргэсэн юм. Оны алдартнуудын тухай хөрөг нийтлэл, нэвтрүүлэг бэлтгэн бичин жилийн турш хэвлэл мэдээллийн хэрэгслээр сурталчлах юм. Алдартнуудыг дахин танилцуулж байна.  

Дашзэгвийн  ОТГОНСҮРЭН     \Сайнцагаан сумын 3-р сургуулийн багш, Үндэсний монгол бичгийн улсын олимпиадын аварга\

Монхорын ГААМАА    \Волейболын спортын олон улсын хэмжээний мастер\

Халтарын  ЭНХ-АМГАЛАН  \Ёслол хүндэтгэлийн өргөөний тогооч, Монгол улсын мастер тогооч\

Өлзийбүрэнгийн ЦЭРЭНЧУНТ  \ОХУ-ын Буриад улсын дуурийн театрын  гоцлол дуучин\

Дониддагвын  БАТТОГОС    \Сайнцагаан сумын МГСС-ийн  Физикийн багш, аймгийн шилдэг багш, Боловсролын тэргүүний ажилтан\

Уяатын ӨНӨРБАЯР   \ТХДЖ-ийн  театрын бүжгийн багш,  Олон улсын бүжгийн “Венок дружбы” уралдааны 3-р байрын шагналтан\

Балжиннямын ДЭЛГЭР  \Нэгдсэн эмнэлгийн  тэргүүлэх зэрэгтэй зөвлөх эмч,клиникийн профессор\

Сумъяагийн ЭНХЖАРГАЛ  \Аймгийн ЗДТГ-ын ерөнхий санхүүч,  Монгол улсын шилдэг нягтлан бодогч, Банк-санхүүгийн тэргүүний ажилтан\

Чимэдийн БАЯРАА   \Аймгийн Нийгмийн даатгалын хэлтсийн дарга, Нийгмийн хамгааллын болон статистикийн  байгууллагын тэргүүний ажилтан\\